ANG LABAN PARA SA KARAPATAN AT KALAYAAN NG LGBTQ

ARAL NG SAN JOSE SA ASIGNATURANG FILIPINO ANTAS 10 

 

  PANGKAT 3

 

“ Walang mali sa pagiging ikaw “ ang kasabihang madalas nating marinig, ngunit sa kabila ng salitang ito marami pa ring tao ang nahihirapan itong Isabuhay dahil sa takot nila sa driskriminasyon at  panghuhusga ng lipunan. Kaya naman ay layunin naming ibahagi ang aming mga Opinyon patungkol sa karanasan ng LGBTQ sa ating bansa, simula sa kanilang mga pagsubok at tagumpay kaugnay na rito ang ilan sa mga isyu na kanilang kinakaharap katulad na lamang ng diskriminasyon, at pagkakapantay-pantay batay sa kasarian. Ibabahagi rin namin ang mga batas at polisiya na nararapat para sa karapatan ng LGBTQ, papel ng lipunan, pamilya, at gobyerno sa pag suporta o hindi man pagsuporta sa pakikibaka para sa Karapatan at kalayaan ng mga LQBTQ.  - Rhea Mejos 2024

 

Kasaysayan ng LGBT sa Pilipinas

Ang Pilipinas ay may mahabang kasaysayan ng pagiging bukas sa iba't ibang uri ng kasarian, lalo na sa mga katutubong kultura na mas maluwag sa pagtingin sa mga "higit pa sa tradisyunal na gender roles." Halimbawa, sa mga katutubong komunidad tulad ng mga "babaylan" at "katalonan" sa Visayas at Mindanao, ang mga taong may mga hindi tradisyunal na kasarian ay may mahalagang papel sa lipunan. Gayunpaman, sa pagpasok ng mga koloniyal na impluwensiya mula sa Espanyol at mga Amerikano, naging mas mahigpit ang pananaw ng lipunan hinggil sa kasarian at sekswalidad. - Queenie Dimacale 2024

 

Ang Hamon ng LGBT Community sa Pilipinas

Naniniwala ako na hindi pa sapat ang ginagawa ng lipunan at gobyerno upang matiyak ang pagkakapantay-pantay ng LGBT community sa Pilipinas. Bagama’t may mga hakbang na isinulong, gaya ng mga panukalang anti-discrimination law, nananatiling mabagal ang proseso. Marami pa rin ang nagiging biktima ng diskriminasyon at hindi nabibigyan ng pantay na pagtrato sa trabaho, edukasyon, at serbisyong publiko. - Jermaine Calix Ballon 2024

 

Mga Hamon na Kinakaharap ng Komunidad ng LGBTQ+

Ang komunidad ng LGBTQ+ ay nahaharap sa maraming hamon na nagbabawal sa kanilang pagkakapantay-pantay at pagtanggap. Ang komunidad ng LGBTQ+ ay nahaharap sa maraming hamon na nagbabawal sa kanilang pagkakapantay-pantay at pagtanggap. 

Ang mga pangunahing isyu ay ang maling impormasyon at disinformasyon, kakulangan ng representasyon sa media, mga hadlang ng pananampalataya at tradisyon, at diskriminasyon sa trabaho at ekonomiya. Upang malutas ang mga hamong ito, kailangan natin ang edukasyon at tamang impormasyon, autentikong representasyon sa media, diyalogo sa pagitan ng iba't ibang pananampalataya, at mga patakaran sa lugar ng trabaho na nagpapakita ng pagmamalasakit at pagiging inklusibo, upang magkaroon ng isang mas inklusibo, tumatanggap, at mapagkakatiwalaang lipunan para sa lahat. - Jammir Javier 2024  

 

ANG HAMON NG MGA LGBTQ+

  Sa ating bagong panahon, patuloy na ihinahaharap ng mga LGBTQ+ (Lesbian, Gay, Bisexual, Transgender, Queer/Questioning) sa ibat-ibang hamon at isyu na may kinalaman sa kanilang karapatan, kaligtasan, at pagtanggap sa lipunan. 

Ang LGBTQ+ community ay humaharap sa iba't ibang hamon, kabilang ang diskriminasyon sa trabaho, edukasyon, at lipunan dulot ng stigma at negatibong pananaw. Kulang din ang legal na proteksyon, tulad ng batas laban sa diskriminasyon, habang ang SOGIE Equality Bill ay hindi pa naisasabatas. Limitado ang access nila sa sensitibong serbisyong pangkalusugan, pabahay, at iba pang benepisyo. Sa konserbatibong kultura, madalas silang hindi tanggap, na nagdudulot ng pressure mula sa pamilya at komunidad. Ang mga isyung ito ay nagreresulta sa mental health problems, karahasan, at rejection mula sa pamilya, lalo na sa mga kabataan. - Athan Pelaez 2024 

 

Kakulangan sa Proteksyon at Pantay na Pagtrato sa LGBTQ+ sa Pilipinas 

Nananatiling malaking isyu at hamon ang pagkakapantay-pantay ayon sa kasarian. Sa Pilipinas, kahit malayo na ang narating ng kababaihan sa iba’t ibang larangan aynanatiling biktima pa rin sila ng diskriminasyon at karahasan. Ngunit hindi lamang sila ang humaharap sa diskriminasyon at karahasan,maging ang lalaki at LGBTQ din ay biktima nito. Ayon sa pag- aaral, may mga LGBT nanakaranas nang di-pantay na pagtingin at pagtrato ng kanilang kapwa, pamilya, komunidad at pamahalaan. Bagama’t may CEDAW o ang (Convention on the Elimination of All Forms of Discriminations Against Women (1979) may ilang mga bansa insidente pa rin ang hindi-pantay na pagtingin at pagtrato sa mga babae. (United Nations Office of the High Commissioner for Human Rights oUN-OHCHR, 2011).  Bagaman may mga hakbang na para sa proteksyon ng LGBTQ+, tulad ng mga lokal na ordinansa sa ilang lugar, wala pang pambansang batas na nagbibigay ng sapat na proteksyon laban sa diskriminasyon batay sa kasarian o oryentasyong sekswal. 

 

Ang kakulangan ng mga batas na ito ay nagiging balakid sa pag-unlad at kondisyon ng buhay ng LGBTQ+. Bagaman unti-unting nagiging mas visible ang LGBTQ+ sa media at kultura, nananatiling hamon pa rin ang kakulangan sa mas malawak na representasyon at pagkilala sa kanilang karanasan at kwento. Sa kabila ng mga pagsusulong at aktibismo, may mga batas at regulasyon na patuloy na pumipigil sa katarungan at seguridad ng LGBTQ+ community. Ang mga ito ay nagiging hadlang sa pagkakaroon ng tunay na pantay na karapatan. Ang mga hamong ito ay nagbibigay ng pagkakataon para sa mas malawak na diskurso at aksyon tungkol sa karapatan at kaligayahan ng LGBTQ+ sa Pilipinas. Patuloy ang pakikilahok ng komunidad sa mga adbokasiya at kampanya upang ipaglaban ang kanilang mga karapatan at magtaguyod ng inclusivity at pagtanggap sa lipunan. - Akeesha Nathalie Hao 2024

 

Kahalagahan ng karapatan at proteksyon ng LGBTQ

Batay sa aking paksang karanasang sa mga LGBTQ Mula sa kanilang legal na protekston kailangan ay pantay-pantay ang ating pag mamaltrato sakanila dahil ayon ang ginusto Ng kanilang pag ka tao maski babae,lalake,tomboy, o bakla at dapat natin Silang respetuhin sa kanilang personal na ugali at dapat protektahan Ng gobyerno ang pagsasawalang-bahala sa kanilang laban, dapat natin Silang ipaglaban para sa mga protekston natin. - Jovani Olecaf 2024

PAGKILALA AT PAGTANGGOL SA LQBTQ

Mahalaga ang paksang ito dahil ipinapakita nito ang mga hamon at tagumpay ng LGBT community. Kailangan ng sapat na legal na proteksyon para tiyaking kinikilala at ipinagtatanggol ang kanilang mga karapatan, ngunit hindi sapat ang batas lang. Mahalaga ring tugunan ang diskriminasyon at stigma mula sa pamilya, lipunan, at iba pang institusyon.

Ang edukasyon at kamalayan ay may malaking papel sa pagbabago ng pananaw ng tao, at sa mas maraming suporta, mas madaling makakamit ang pagkakapantay-pantay. Ang gobyerno naman ay dapat maging aktibo, hindi lang sa paggawa ng mga batas kundi pati sa maayos na pagpapatupad nito. - Edward Lee 2024

Laban sa Diskriminasyon

Sa kabila ng mga makabagong pananaw, ang mga LGBTQ+ ay patuloy na nakakaranas ng diskriminasyon, hindi pagkakapantay-pantay sa mga batas, at mga tradisyonal na pananaw na nakatanim sa kultura at relihiyon ng bansa. - Cedryk Valdez 2024

 

Pagsuporta sa LQBTQ 

Patuloy na isinusulong ang pagkakapantay-pantay at kalayaan ng LGBT community sa Pilipinas, ngunit marami pa ring hamon ang kanilang kinakaharap. Bagama’t may mga umiiral na batas, hindi pa rin sapat ang proteksyon laban sa diskriminasyon. 

Mahalaga ang papel ng lipunan, pamilya, at gobyerno sa pagtanggap at paggalang sa karapatan ng bawat isa, anuman ang kasarian. Ang pagkamit ng tunay na pagkakapantay-pantay ay nagsisimula sa pagbasag ng stigma at pagsuporta sa adhikain ng LGBT community para sa isang bukas at makatarungang lipunan. - Jermain Calix Ballon 2024  

 

 

Karapatan, Paggalang, at Pantay na Pagtrato sa Lahat

Ang LGBTQ ay may karapatang respetuhin, protektahan, tanggapin at mahalin. Kahit man iba ang kanilang kasarian ay  dapat pantay-pantay pa rin ang pakikitungo natin sa kanila, huwag tayong manghusga dahil sa kung ano sila. Ang pagmamahal at paggalang sa pagkakakilanlan ay mahalaga sa pagbuo ng Lipunang may pagkapantay-pantay at kalayaan. - Rhea Mejos 2024

  Kalayaan sa Pagpili at Pagtanggap ng Sarili  

   Ang kalayaan para sa LGBT sa Pilipinas ay higit na nauugnay sa kakayahan nilang mamuhay nang buo at tapat sa kanilang sarili, nang walang takot sa diskriminasyon. Ang pagtanggap sa mga miyembro ng LGBT ay mahalaga upang matamo nila ang kalayaan na maranasan ang buhay tulad ng iba pang mga mamamayan ng bansa. - Angelou Dave Zafra 2024

 

Paggalang at pagtanggap sa LQBTQ

Batay sa aking opinyon, ang mga LGBTQ ay dapat mgkaroon ng pantay na karapatang pangtao bilang isang indibidwal at ituring na pantay sa ating lipunan dahil ang kanilang panlabas na anyo ay hindi basehan kung ang isang tao ay masama o ituring salot ng lipunan, hanggat ang isang tao LGBTQ man o hindi, hanggat walang nagagawang kasalanan ay wala tayong karapatan na husgahan ang kanilang personalidad - Yvan Ignisiban 2024

Konklusyon

Habang may mga hakbang tungo sa pagkakapantay-pantay at kalayaan para sa LGBT sa Pilipinas, ang hamon ay malaki pa rin. Patuloy na nagtataguyod ang mga LGBT advocates para sa mas malaking pagpapahalaga sa kanilang mga karapatan, laban sa diskriminasyon, at sa pagkakaroon ng tunay na pagtanggap sa lipunan. Ang makabagong panahon ay may mga pagkakataon at hamon, ngunit ang pagbabago ay magsisimula sa bawat isa sa atin—sa pagtanggap, edukasyon, at pagkakaroon ng malasakit sa mga karapatan ng bawat isa, anuman ang kanilang sekswal na oryentasyon o kasarian - Angelou Dave Zafra 2024.

Sa makabagong panahon, ang LGBTQ ay patuloy pa ring kinakaharap ang mga hamon tulad ng diskriminasyon at kakulangan sa legal na proteksyon. Bagaman kung ang inklusibong lipunan ay umuunlad sa pamamagitan ng mga pagbabago sa patakaran at suporta ng kabataan ay siyang tunay nating makakamit ang tunay na pagbabago, ngunit ang tunay na pagbabago ay nangangailangan ng malawakang pagtanggap at pag-unawa mula sa buong lipunan. - Rhea Mejos 2024

 

ARTIKULO

Halos lahat ng miyembro ng LGBTQ ay nakararanas ng hindi patas na pagtrato dahil sa kanilang pagkilos at maging sa kanilang katangian. Sa madaling salita ito ay tinatawag na “Diskriminasyon”. Nararanasan nila ito sa kanilang eskwelahan, sa kanilang komunidad, at ang ilan ay mismong sa kanilang tahanan. Ayon sa Human Rights Watch (2017), ang diskriminasyong nararanasan ng mga miyembro ng LGBTQIA ay humahantong rin sa bullying at ang mas malala pa ay sa mga pisikal na pananakit. Ang mga pang –aabusong katulad nito ay maaari ding humantong sa mas mataas na lebel ng depresyon at pagkabalisa na posibleng magdulot ng suicide at iba pang hindi magandang bagay. Nakakaalarma ang ganitong mga pangyayari sapagkat mismong mga opisyal ng gobyerno ay ginagawa ang diskriminasyon sa mga miyembro ng LGBTQ. 

Base sa aking nahanap ayon kay Edgar T. (2017) sinabi ni Senador Manny Pacquiao na hindi raw tao ang mga miyembro ng LGBTQ at dapat na lamang na pabayaan. Ayon naman kay Aenlle (2017) pumasa na sa ikalawang pagbasa ang House Bill 4982 na siyang magpoprotekta at lalaban sa diskriminasyong nararanasan ng mga miyembro ng LGBTQ . Ngunit ang batas man na ito ay maganda sa papel, hindi pa rin naman ito napapatupad ng husto. Dapat lamang na matutukan ng husto ang laban sa diskriminasyon at hindi lamang maisapapel ang mga ganitong uri ng patakaran sapagkat tayong lahat ay pantay pantay lamang at walang karapatang itrato ang iba ng hindi maganda anuman ang kanilang kasarian.

Sa isinulat na artikulo ni Marquez (2015), mayroon ng mga naipatupad na batas para labanan ang diskriminasyon at protektahan ang mga miyembro ng LGBTQ. Mga batas na tutulong bawasan at mapigilan ang pang-aabuso  ng iba sa kanila. Nakasaad sa artikulo ng Human Rights Watch (2017) na habang patuloy ang pagpapatupad ng mga batas laban sa diskriminasyon, dapat pa ring siguraduhin na ang mga patakarang ito ay maayos na naipatutupad sapagkat sa kasalukuyan, sa pagdami ng miyembro ng LGBTQ community sabay rin dito ang mga pang-aapi at pang-aabuso nilang nararanasan.

Ayon sa aking nabasa, nakonsidera ng seryoso ang pagtutok ng pamahalaan sa pagpapatupad ng mga batas ukol sa diskriminasyon sa mga miyembro ng LGBTQ. Ngunit kung tunay itong seryoso, bakit hindi ito ipinatutupad ng maayos at napakarami pa rin ang nabibiktima ng mga pang-aabusong pisikal at sekswal sa mga myembro ng komunidad ng LGBTQ. Ang ilan naman ay mismong mga opisyal pa ng gobyerno ang nagpapasimuno ng mga hindi pantay na pagtrato sa kanila.

Halimbawa na lamang nito ay ang mga gurong mismong nang-aapi sa mga estudyanteng miyembro ng LGBT. Matataas ang kanilang pinag-aralan ngunit ipinapakita nila ang pagiging mangmang sa kanilang ginagawa. Ano nga ba ang tunay na dahilan kung bakit nila ito ginagawa? Maging ilang mga relihiyosong pastor ay ginagawa rin ang diskriminasyon sa mga myembro ng LGBTQ. Ayon sa kanila Lalaki at Babae lamang ang nilikha ng Panginoon. Ngunit pantay pantay tayong lahat sa mata ng Diyos. Ano man ang kasarian, kabutihan ng kalooban ang tinitingnan ng Diyos sa atin. - Ashlee Manrique 2024

   

 '' TANGGAPIN, RESPETUHIN, AT MAHALIN NATIN ANG BAWAT ISA, DAHIL ANG TUNAY NA LAKAS NG LIPUNAN  AY ANG PAGTANGGAP AT PAGGALANG SA ISANG KATAUHAN SA KABILA NG PAGKAKAIBA'

Mga sumusuporta sa nilalaman;

https://youtu.be/fuS_7DimLwE?si=1b8GtgJ7nJyE2zbh

https://youtu.be/aDMs3HzjEQQ?si=yxMEi3A1OeoE6FNR

https://youtu.be/YOIeHxiZ03o?si=u_hL4EtDMTPE7aF0